ឯកឧត្តម ខូយ រីដា បានអញ្ជើញជាអធិបតី ក្នុងពិធីបើកបវេសនកាល ឆ្នាំសិក្សាឆ្នាំថ្មី ២០២៥-២០២៦ ក្របខណ្ឌទូទាំងខេត្ត ពោធិ៍សាត់

ខេត្តពោធិ៍សាត់÷ឯកឧត្តម ខូយ រីដា អភិបាលខេត្តពោធិ៍សាត់ ព្រឹកថ្ងៃទី០១ ខែវិច្ឆិកា ឆ្នាំ២០២៥ នៅបរិវេណវិទ្យាល័យពោធិ៍សាត់ បានអញ្ជើញជាអធិបតី ក្នុងពិធីបើកបវេសនកាល ឆ្នាំសិក្សាថ្មី ២០២៥-២០២៦ ក្របខណ្ឌទូទាំងខេត្ត ដោយមានការចូលរួម ពីលោកអភិបាលរងខេត្ត អភិបាលក្រុង ថ្នាក់ដឹកនាំមន្ទីរអង្គភាពនានាជុំវិញខេត្ត កងកម្លាំងប្រដាប់អាវុធទាំង៣ អាជ្ញាធរមូលដ្ឋាន លោកគ្រូ អ្នកគ្រូ មាតាបិតា អាណាព្យាបាល និងក្មួយៗសិស្សានុសិស្ស មកពីសាលាបឋមសិក្សាពោធិ៍សាត់ អនុ និងវិទ្យាល័យពោធិ៍សាត់ ប្រមាណជាង២ពាន់នាក់។