ឯកឧត្តម ខូយ រីដា បានដឹកនាំប្រតិភូថ្នាក់ខេត្ត ចូលរួមរំលែកទុក្ខក្រុមគ្រួសារសព លោកវរសេនីយ៍ទោ សាខន សារឹម មេបញ្ជាការរងកងអនុសេនាធំវិស្វកម្ម នៃកងពលតូចអន្តរាគមន៍លេខ១៤ វីរកងទ័ពបានពលីជីវិត ក្នុងកិច្ចការពារបូរណភាពដែនដីកម្ពុជា

(ពោធិ៍សាត់)÷ឯកឧត្តម ខូយ រីដា អភិបាលខេត្តពោធិ៍សាត់ នាថ្ងៃទី០១ ខែមករា ឆ្នាំ២០២៦នេះ បានដឹកនាំប្រតិភូថ្នាក់ខេត្ត ចូលរួមរំលែកទុក្ខក្រុមគ្រួសារសព លោកវរសេនីយ៍ទោ សាខន សារឹម មេបញ្ជាការរងកងអនុសេនាធំវិស្វកម្ម នៃកងពលតូចអន្តរាគមន៍លេខ១៤ វីរកងទ័ពបានពលីជីវិត ក្នុងកិច្ចការពារបូរណភាពដែនដីកម្ពុជានៅសមរភូមិមុខ កាលពីថ្ងៃទី២២ ខែធ្នូ ក្នុងជន្មាយុ៤៣ឆ្នាំ ស្ថិតក្នុងបរិវេណវត្តឈូកមាស ភូមិដងទឹកលាច ឃុំត្នោតជុំ ស្រុកក្រគរ ខេត្តពោធិ៍សាត់។